काठमाडौं ।
मङ्सिर ११ सप्तरीले, वीरगञ्ज । गेस्टहाउसमा जबरजस्ती यौन धन्दा चलाएको आरोपमा सञ्चालकसहित दुई जनालाई प्रहरीले नियन्त्रणमा लिएको छ ।

जिल्ला प्रहरी कार्यालय सप्तरीले गेस्ट हाउसमा यौन धन्दा चलाएको आरोपमा राजविराज नगरपालिका – ३ स्थित लक्ष्मी गेस्टहाउसका सञ्चालकसहित दुई जनालाई नियन्त्रणमा लिएको हो ।
पक्राउ पर्नेमा राजविराज नगरपालिका – ६ निवासी ५७ वर्षीय अरुण चन्द्र मिश्र र म्यानेजर महादेवा गाउँपालिका – २ बस्ने ४१ वर्षीय राम प्रकाश मण्डल रहेको सप्तरी प्रहरीका प्रवक्ता एवम् प्रहरी नायव उपरीक्षक (डिएसपी) ढुण्डिराज न्यौपानेले जानकारी दिए ।

लक्ष्मी गेस्ट हाउसमा महिलाहरूलाई विभिन्न प्रलोभनमा पारेर यौन धन्दा गराइरहेको भन्ने विशेष सूचनाको आधारमा जिल्ला प्रहरी कार्यालयबाट खटिएको प्रहरी टोलीले छापा मारी गरेर मिश्र र मण्डललाई नियन्त्रणमा लिएको डिएसपी न्यौपानेले बताए ।
सोही पक्राउ परेका दुवै विरुद्ध प्रहरीले मानव बेचबिखन तथा ओसारपसार नियन्त्रण ऐन, २०६४ अन्तर्गतको कसुरमा सप्तरी जिल्ला अदालतबाट म्याद थप गरी अनुसन्धान सुरु गरिएको न्यौपानेले बताए