३० वैशाख, काठमाडौं ।

काठमाडौंको बत्तीसपुतलीमा एक युवकको हत्या भएको छ । गएराति मोरङ घर भई कुमारी टोलमा बस्दै आएका २४ वर्षीय शम्भु धिमालको हत्या भएको हो ।

जिल्ला प्रहरी परिसर काठमाडौंका एसएसपी बसन्त रजौरेले धिमालको हत्या भएको र घटना अनुसन्धानका लागि चार जनालाई पक्राउ गरिएको जानकारी दिए ।

उनको हत्याको कारण भने खुलेको छैन ।

धिमाललाई गएराति नै सिनामंगलस्थित केएमसी अस्पताल पुर्याइए थियो भने केही बेरमै चिकित्सकले मृत घोषणा गरेका थिए ।