काठमाडौं : नागढुङ्गा बाट काठमाडाैं भित्रने प्रमुख सडक नाकामा इम्बोस्ड नम्बर प्लेटका गाडीलाई ट्र्याक गर्ने रेडियो फ्रिक्वेन्सी आइडेन्टिफिकेसन (आरएफआईडी) गेट सञ्चालनमा ल्याइएको छ ।

यातायात व्यवस्था विभागका अनुसार, काठमाडौं प्रवेश गर्ने नाका (नागढुङ्गा) र नागार्जुनमा आरएफआईडी गेट सञ्चालानमा ल्याइएको हो ।

उपत्यकाका पाँच ठाउँमा बनाइनुपर्ने यस्ता गेट अब साँगा, ग्वार्काे र बल्खुमा निर्माणको तयारीमा रहेकोे बताए ।

अमलेखगन्जमा पनि उक्त गेट निर्माणधिन रहेको बताए ।

उक्त इम्बोस्ड नम्बर प्लेट जडान गरिएका सवारीसाधन निगरानी गर्न सहज हुने १०० आरएफआईडी डिभाइसमध्ये पाँचवटा ट्राफिक प्रहरीलाई बुझाइएको विभागले जनाएको हो ।