काठमाडौं : शंखमुलमा पुरूषको हत्या भएको छ। गएराति बुद्धबिहार अगाडि पुल हाउसमा एकजना पुरुषको हत्या भएको हो।

जिल्ला प्रहरी परिसर काठमाडौंका प्रवक्ता एसपी नवराज अधिकारीका अनुसार हत्या गरिएका व्यक्तिको नाम रूपक बान्तवा रहेको खुलेको छ।

उनको अनुहारभरी चोट रहेको पनि एसपी अधिकारीले जानकारी दिए। अन्य विषय भने नखुलेको उनले बताएका छन्।

सोही घटनाबारे थप अनुसन्धान भइरहेको एसपी अधिकारीले जानकारी दिए।