बारा । बारा जिल्लाको सुवर्ण गाउँपालिका वडा नम्बर २ स्थित कवहीगोठमा असोज १७ गते पशुपंक्षी हाट बजार लाग्ने भएको छ । कृष्ण ट्रेडर्सद्वारा संचालित बजार असोज १ देखि व्यवसायीक रुपमा सन्चालनमा ल्याइएको भएपनि घटास्थापनाकाे दिन पहिलो बजार लगाउन लागिएको हो । उक्त दिन बजारको औपचारिकरुपमा उद्घाटन पनि गरिने छ ।

यो बारा जिल्लाको सबैभन्दा ठूलो, परिमार्जित र व्यवस्थित हाट बजार हो । बजारमा ब्यापारीहरुलाई सम्पुर्ण सुबिधा रहेको छ । बेचबिखनका लागि ल्याइएको पशु चौपायाहरु लाई व्यवस्थापन राम्रो संग गर्ने भएको छ । साथै बिक्री गरिने पशु चौपायाको भेटनरी तथा करेन्टाइन गर्ने व्यवस्था समेत रहेको छ ।

ब्यवस्थित र सुविधासम्पन्न बजार संचालनमा  आएसङै स्थानीयहरु पनि खुसी देखिन्छन ।  बजारमा रहेको चौपायालाई बजार व्यवस्थापनले घाँस पानी दिनुका साथै अन्य स्याहारसुसारको व्यवस्था मिलाएको छ ।

यस्तै बिक्री नभएको चौपाया तथा पशुपंक्षी दुक्कसंग व्यापारीले छोडेर जान मिल्ने व्यवस्था मिलाएको जानकारी बजार व्यवस्थापन समितिको संचालक कुमार मास्केले समष्टि नेपाल मिडियालाई जानकारी दिए ।

निर्माणधिन तस्वीरहरु –