(संग्रह)

काठमाडौं । आज मेडिकल व्यवसायी दुर्गा प्रसाईंलाई सर्वोच्च अदालतमा उपस्थित गराइएको छ । प्रसाईंका तर्फबाट निराजन प्रसाईंले दायर गरेको दोस्रो बन्दी प्रत्यक्षीकरणको रिटमा सर्वोच्चले प्रसाईंलाई अदालतमा झिकाउन आदेश दिएको थियो । त्यसपछि प्रसाईंलाई अदालतमा झिकाइएको हो ।

अहिले उनको दोस्रो बन्दी प्रत्यक्षीकरणको रिट न्यायाधीशद्वय डा. नहकुल सुवेदी र शारंगा सुवेदीको इजलासमा सुनुवाइ भइरहेको छ ।

मेडिकल व्यवसायी दुर्गा प्रसाईं साइबर अपराधको कसुरमा उनकै निवासबाट पक्राउ गरिएको थियो । साइबरको कसुरमा ४० हजार रुपैयाँ धरौटीमा छुटे लगत्तै उनी फेरि आपराधिक लाभ र संगठित अपराधको कसुरमा पक्राउ परेका थिए ।