काठमाडौँ । आज काठमाडौं उपत्यकासहित देशका पहाडी भु – भागमा बिहानैदेखि वर्षा भइरहेको छ। मौसम पूर्वानुमान महाशाखाका अनुसार हाल बागमती, गण्डकी र कर्णाली प्रदेशका धेरै स्थानमा बादल लागेको छ। लुम्बिनी र सुदूरपश्चिम प्रदेशका केही स्थानमा पनि बादल देखिएको छ भने बागमती, गण्डकी, कर्णाली र लुम्बिनी प्रदेशका एक–दुई स्थानमा चट्याङसहित हल्कादेखि मध्यम वर्षा भइरहेको छ।

दिउँसोको समयमा देशभर आंशिकदेखि सामान्य बदलीको अवस्था रहने प्रक्षेपण गरिएको छ। कोशी र लुम्बिनी प्रदेशसहित देशका पहाडी भूभागका केही स्थानमा तथा अन्य भूभागका थोरै स्थानमा चट्याङ र हावाहुरीसहित हल्कादेखि मध्यम वर्षा हुन सक्ने सम्भावना छ। हिमाली भूभागका थोरै स्थानमा हल्का हिमपातसमेत हुनसक्ने देखिएको छ।