काठमाडौं : भारतीय प्रशासित क्षेत्र कश्मीरको जम्मु शहरमा आज फेरि गोलाबारी सुरू भएको छ। कश्मीरको जम्मु शहरमा ब्ल्याकआउट भएपछि रातमा अहिले विस्फोटको आवाज सुनिएको अलजजिराले जनाएको छ।

‘जहाँ म छु, त्यहाँबाट अहिले पनि बीच–बीचमा विस्फोटको आवाजहरू सुनिँदैछन्, सम्भवतः ठूला मिसाइलका,’ जम्मु र कश्मीरका मुख्यमन्त्री उमर अब्दुल्लाहले सामाजिक सञ्जाल एक्समा लेखेका छन्।

उनले यसअघि लेखेको अर्को पोस्टमा भनेका छन्, ‘अहिले जम्मुमा अन्धकार छाएको छ। शहरभरि साइरनको आवाज सुनिन थालेको छ। स्थानीय समय अनुसार साँझ ७:२० बजेदेखि गोलाबारी सुरु भएको जनाएका छन्।