काठमाडौं : नवलपरासी सुनवल ७ चारपालामा रुखले च्याप्पेर दुईजनाको मृत्यु भएको छ,भने केही घाइतेहरु भएका छन्  । घाइते भएका एकजनाको बयान अनुसार प्रतिक्षालय बलियो नै थियो, हामी प्रतिक्षालय नजिकै थियौ । एक्कासी आकाश कालो निलो अन्धकार भई हुरी चल्न थाल्यो, मान्छे उडाउला झैँ गरेर आएको हावाहुरीबाट जोगिन हामी प्रतिक्षालयमा ओत लाग्दै थियौं, एक्कासी बडेमानको रुख प्रतिक्षालय माथि बज्रियो ।

दैवी प्रकोपको अगाडि कसको के नै लाग्छ प्रत्यक्षदर्शी घाइते भएकाले बताए ।

सो घटनामा परि दुई जनाले अकालमै ज्यान गुमाउनु परेको छ भने तीनजना गम्भीर घाइते भएका छन् । अहिले घाइतेहरुलाई देवदह मेडिकल कलेजमा उपचार गराइरहेका बताए।