दोलखा : नेपाल थामी समाज, विगु गाउँपालिका वडा नं. ८, थाङ्मीचागुको आयोजनामा थामी समुदायको मौलिक, ऐतिहासिक र सांस्कृतिक चाड उभौली भुम्या पूजा २०८२ अत्यन्तै श्रद्धा, उत्साह र एकताको वातावरणमा भव्य रूपमा सम्पन्न भएको थियो ।

उक्त कार्यक्रममा थामी जातिका पूरातन सांस्कृतिक सम्पदा, लोक जीवनशैली, प्रकृति–पूजाको परम्परा र जातीय पहिचानसँग गाँसिएको गहन सांस्कृतिक विरासतलाई उजागर गरिएको छ ।

यस कार्यक्रमले थामी समुदायले आफ्नो जातीय पहिचान, मौलिक संस्कार, भाषा, धर्म र प्रकृति–केन्द्रित जीवन पद्धति माथि गर्व गर्नुपर्ने सन्देश दिएको छ।
“हामी थामी एक हौं – माटो, मान्छे र मौलिकता हाम्रो पहिचान हो” भन्ने नाराका साथ कार्यक्रम सम्पन्न भएको हो।

(दोलखा दर्पण न्यूज)