काठमाडौं

कार्तिक सप्तरीको सुरूंगामा सोमबार एक ९ एमएमको अटोमेटिक पेस्तोलसहित तीन जनालाई पक्राउ गरिएको सशस्त्र प्रहरी बलका सहायक प्रवक्ता डिएसपी शैलेन्द्र थापाले जानकारी दिएका छन् ।

नियन्त्रणमा लिइएकाहरू सप्तरीको सुरूंगा नगरपालिका-८ बस्ने ३१ वर्षीय अनिल राम, सोही नगरपालिका-५ बस्ने ३० वर्षीय जीवानन्द चौधरी र खडक नगरपालिका- ४ बस्ने ३५ वर्षीय सञ्जयप्रसाद चौधरी भएको हो ।

हतियार बोकेर हिँडेको भन्ने सूचनाका आधारमा खटिएको टोलीले लाहान नगरपालिका-१ राजमार्गबाट गोली लोड भएको पेस्तोल बोकेको थिए ।
उक्त ब्याक्तीहरुलको साथबाट १ लाख ८४ हजार २ सय ५३ रूपैयाँ, ४ थान मोबाइल, नेपाल टेलिकमको २२ थान सिमकार्ड, एनसेलको सिमकार्ड १४ थान, नेपाल टेलिकमकै ५० रूपैयाँ दरको २६ हजारको र १ सय दरको ९६ हजारको रिचार्ज कार्ड साथबाट बरामद भएको छ।

उनीहरू विभिन्न अपराध र फिरौतीमा संलग्न भएको बुझिएको छ।