काठमाडौं । आगामी निर्वाचनमा मकवानपुर–२ बाट स्वतन्त्र उम्मेदवारका रूपमा शिव प्रसाद अधिकारी अघि बढेका छन्। उनले “उत्पादन, पर्यटन र एकता, यही हो समृद्ध मकवानपुरको मार्ग” भन्ने नारासहित आफ्नो चुनावी अभियान औपचारिक रूपमा सुरु गरेका छन्।

स्वतन्त्र उम्मेदवार अधिकारीले स्थानीय उत्पादनको प्रवर्द्धन, पर्यटन विकास र सामाजिक एकतालाई आफ्नो प्रमुख एजेण्डा बनाएका छन्। उनले मकवानपुरलाई आत्मनिर्भर, रोजगारीमुखी र पर्यटकीय जिल्ला बनाउने लक्ष्य लिएका छन्।

“हामीले गाउँ–गाउँमा उत्पादन बढाउनुपर्छ, पर्यटनमार्फत रोजगारी सिर्जना गर्नुपर्छ, अनि एकताबाट मात्र समृद्धि सम्भव हुन्छ,” अधिकारीले भने।

यद्यपि उनका अनुसार राजनीतिमा स्वच्छ सोच, जनसेवामुखी नीति र युवाको सहभागिता आवश्यक रहेको छ। अधिकारीले सबै मतदातालाई सकारात्मक परिवर्तनका लागि साथ र सहयोगको अपील पनि गरेका छन्।