उदयपुर । उदयपुरको बेलका नगरपालिका – २ कन्चनजगा स्थित हिमशिखर ईङ्लिस बोर्डिङ स्कुलका प्रधानध्यापक युवराज श्रेष्ठ  जबर्जस्ती करणीको आरोपमा पक्राउ परेका छन ।

भदौ १४ गते बिहान विद्यालयकै कार्यालयको कोठामा आफनै  बिद्यालयकी १४ बर्षीया छात्रा(बालिका)लाई जबरजस्ती करणी गरेको आरोपमा ४७ बर्षीय श्रेष्ठलाई प्रहरीले पक्राउ गरेको छ । प्रहरी कार्यालयमा छात्राकी भाउजूले दिएको  जाहेरीमा प्रधानाध्यापकले कार्यलयमै जबरजस्ती करणी गरेको उल्लेख गरिएको छ ।

आइतबार साँझ प्रहरीमा जाहेरी परेपछि प्रधानाध्यापक श्रेष्ठलाई पक्राउ गरिएको जिल्ला प्रहरी कार्यालय प्रमुख प्रहरी उपरिक्षक राजन चापागाईले बताए ।

जाहेरीका आधारमा प्रहरीटोलीले श्रेष्ठलाई नियन्त्रणमा लिई इलाका प्रहरी कार्यालय रामपुरठोक्सिलाको हिरासतमा राखि थप अनुसन्धान भईरहेको प्रहरीले जनाएको  छ ।