काठमाडौं: असोज २१ — जेनजी युवाको आन्दोलनका क्रममा गत भदौ २३ र २४ गते शहीद भएका व्यक्तिहरूका परिवारले निवर्तमान प्रधानमन्त्री केपी शर्मा ओली र निवर्तमान गृहमन्त्री रमेश लेखकविरुद्ध किटानी जाहेरी दर्ता गरेका छन्।

शहिद परिवारका सदस्यहरू मंगलबार दिउँसो जिल्ला प्रहरी परिसर, काठमाडौं पुगेर उक्त जाहेरी दर्ता गरेका थिए । उनीहरू सोमबार नै जाहेरी दर्ता गर्न प्रहरी परिसर गएका हुन्। तर प्रहरीले जाहेरी लिन अस्वीकार गरेको आन्दोलनका अगुवा सुदन गुरुङले बताएका छन्।

उनका अनुसार प्रहरी प्रशासनले प्रारम्भमा जाहेरी लिने प्रक्रियामा सहयोग नगरेको गुनासो छ। यद्यपि मंगलबार पुनः निवेदन दिँदा प्रहरी परिसरले जाहेरी दर्ता गरेको जनाइएको छ।