बर्दिबास,
मधेस प्रदेशका प्रदेश प्रमुखले संविधानको उल्लङ्घन गर्दै चोरी शैलीमा मुख्यमन्त्रीको शपथ ग्रहण गराएको आरोप लागेको छ। प्राप्त जानकारी अनुसार बर्दिबास नगरपालिका–३ स्थित पानस कटेज होटलमा राति नै नयाँ मुख्यमन्त्रीलाई शपथ गराइएको हो।

स्थानीयवासीका अनुसार प्रदेश प्रमुख काठमाडौँ उपचारका लागि जाने बहानामा बर्दिबास पुगेका थिए तर राति नै उक्त होटलमा शपथ समारोह सम्पन्न गराइएको हो।
“यो नितान्तै गैरकानुनी र असंवैधानिक कार्य हो,” एक जना आक्रोशित स्थानीयले भने, “संविधानको धज्जी उडाउँदै रातिको अँध्यारोमा मुख्यमन्त्री बनाउने खेल खेलियो।”

घटनाबारे आधिकारिक निकायबाट भने अहिलेसम्म कुनै औपचारिक प्रतिक्रिया आएको छैन। तर सामाजिक सञ्जालमा भने यस घटनाले व्यापक चर्चा पाइरहेको छ।