काठमाडौं ।
तिहारको रात, काठमाडौंका गल्ली–गल्लीमा बत्ती र रौनकको झिलमिल छाएको थियो । तर त्यो बेला एक प्रहरी अधिकारी भने राजधानीका सडकमा निरन्तर गस्ती गरिरहेका थिए — काठमाडौं उपत्यकाका प्रहरी प्रमुख एसएसपी रमेश थापा ।

थापा तिहारको उत्सवमा रमाउन होइन, जनताको शान्ति र सुरक्षाको जिम्मेवारी पूरा गर्न रातभर सडकमा खटिएका थिए । उनले राजधानीका मुख्य सडक, मनोरञ्जन स्थल र संवेदनशील क्षेत्रहरूमा स्वयम् पुगेर सुरक्षा अवस्था निरीक्षण गरे ।

“तिहार सबैको खुशीको पर्व हो, तर हामी प्रहरीका लागि जिम्मेवारीको क्षण पनि हो,” थापाले भने, “जनताले निश्चिन्त भएर उत्सव मनाउन पाऊन् भन्ने हाम्रो लक्ष्य हो।”

उनको निर्देशनमा राजधानीका सबै प्रहरी वृत्तहरूमा सुरक्षा सतर्कता उच्च बनाइएको थियो । मादक पदार्थ सेवन, दुर्घटना, झैझगडा र चोरीका घटनालाई रोक्न विशेष टोली परिचालन गरिएको थियो ।

तिहारको रात जसरी जनताका घरमा उज्यालो थियो, त्यसैगरी प्रहरीका मनमा पनि कर्तव्यको उज्यालो झल्किरहेको देखिन्थ्यो ।

सम्पादक: (गंगालाल रिमाल काठमाडौँ)