काठमाडौँ। बालाजु–बाइपास सडक दिनभर स्थानीयवासीको अवरोधपछि रातिको समयमा पिच कार्य तीव्र गतिमा अघि बढाइएको छ। दिनभर रोकिएको सडक स्तरोन्नति र पिच कार्यक्रमलाई निरन्तरता दिन प्राविधिक टोली राति नै खटिएका छन्।



यसबीच राष्ट्रिय स्वतन्त्र पार्टी (रास्वपा) बाट निर्वाचित काठमाडौँ महानगरपालिका–१६ की महिला वडाध्यक्ष अधिवक्ता रोजिना श्रेष्ठ स्वयं फिल्डमा उपस्थिति जनाउँदै निर्माणको प्रगति अनुगमन गरिरहेकी छन्। उनले काममा देखिएको ढिलाइबारे ठेकेदारलाई प्रश्न उठाउँदै छिटो, गुणस्तरीय र टिकाउ ढंगले पिच कार्य सम्पन्न गर्न निर्देशन दिएको बताइएको छ।

स्थानीयवासीले लामो समयदेखि धुलो–धुवाँ, खाल्डाखुल्डी र अव्यवस्थित ट्राफिकको समस्याले दैनिकी प्रभावित भएको भन्दै तत्काल समस्या समाधान तथा गुणस्तरीय सडक निर्माणको माग गर्दै आएका छन।