मकवानपुर–२ बाट स्वतन्त्र उम्मेदवारीका लागि तीन महिनादेखि सक्रिय चुनावी अभियान सञ्चालन गरिरहेका युवा नेता शिव प्रसाद अधिकारीले आफ्नो उम्मेदवारी फिर्ता लिने घोषणा गर्दै राष्ट्रिय स्वतन्त्र पार्टी (रास्वपा) मा प्रवेश गरेका छन्।
यो निर्णय रास्वपा सभापति रवि लामिछानेले न्याय प्राप्त गरेको दिन सार्वजनिक गरिएको हो।




अधिकारीले व्यक्तिगत आकांक्षाभन्दा माथि उठेर देशमा सकारात्मक परिवर्तन, सुशासन र सही राजनीतिक अभ्यासलाई बलियो बनाउने उद्देश्यले रास्वपामा प्रवेश गरेको बताएका छन्।
प्रवेश कार्यक्रममा बोल्दै अधिकारीले भने,
“मकवानपुर–२ बाट स्वतन्त्र उम्मेदवारी घोषणा गरेर केही महिना चुनावी तयारी गरिसकेको थिएँ। तर वर्तमान राजनीतिक परिस्थिति र देशको हितलाई ध्यानमा राख्दै, मैले आफ्नो उम्मेदवारी फिर्ता लिँदै रास्वपामा प्रवेश गर्ने निर्णय गरेको हुँ। यसले देश र जनताको हितमा ठोस योगदान पुर्‍याउने विश्वास लिएको छु।”
रास्वपामा प्रवेशसँगै अधिकारीले आफ्नो अनुभव, क्षमता र ऊर्जालाई पार्टी संगठन सुदृढीकरण, क्षेत्रीय विकास र लोकतान्त्रिक मूल्य प्रवर्द्धनमा प्रयोग गर्ने प्रतिबद्धता व्यक्त गरे।
यस घटनाले मकवानपुर–२ को चुनावी समीकरणमा नयाँ रणनीतिक मोड ल्याएको छ भने आगामी निर्वाचनमा रास्वपाको प्रदर्शनमा सकारात्मक प्रभाव पार्ने अपेक्षा गरिएको छ।