काठमाडौँ । चर्चित नेता अमरेशकुमार सिंह राष्ट्रिय स्वतन्त्र पार्टी (रास्वपा) मा प्रवेश गर्ने भएका छन्। सिंहले सामाजिक सञ्जाल फेसबुकमार्फत माघ ५ गतेदेखि रास्वपामार्फत आफ्नो नयाँ राजनीतिक यात्राको औपचारिक सुरुवात गर्न लागेको जानकारी दिएका हुन्।




उनका अनुसार माघ ५ गते जनकपुरधाममा आयोजना हुने रास्वपाको आमसभामार्फत पार्टी प्रवेश गर्नेछन्। जगत जननी माता सीताको जन्मस्थल जनकपुरधामबाट नयाँ राजनीतिक अध्याय सुरु गर्न पाउनु गर्वको विषय भएको सिंहले उल्लेख गरेका छन्।
सामाजिक सञ्जालमा उनले लेखेका छन्, “माघ ५ गते जनकपुरधाममा हुने राष्ट्रिय स्वतन्त्र पार्टीको कार्यक्रममा सहभागी हुँदै म आफ्नो नयाँ राजनीतिक अध्यायको सुरुवात गर्दैछु। देश र मधेशमा व्याप्त भ्रष्टाचार र कुशासनविरुद्ध स्वतन्त्र रहँदा उठाउँदै आएको आवाज अब अझ संगठित र बुलन्द रूपमा अगाडि बढ्नेछ।”
सिंहको रास्वपा प्रवेशलाई मधेश केन्द्रित राजनीतिमा नयाँ सन्देशका रूपमा हेरिएको छ।