काठमाडौं । ऐतिहासिक, सांस्कृतिक र धार्मिक दृष्टिले महत्वपूर्ण चन्द्रागिरी नगरपालिका–स्थित थानकोटको कोतघरमा आज नेवार समुदायले श्री गणेश, महालक्ष्मी र भैरवको सिन्दुर जात्रा भव्यताका साथ सम्पन्न गरेका छन्।

नेवार समुदायको पुरानो परम्परागत संस्कृतिसँग सम्बन्धित यो जात्रा हरेक वर्ष धूमधामका साथ मनाइँदै आएको छ। आजको जात्रामा स्थानीय बासिन्दा, समुदायका अग्रज, भक्तजनहरु र दर्शकहरूको उल्लेख्य सहभागिता थियो।

कार्यक्रममा परम्परागत नेवारी बाजागाजा, नाचगान, पूजाआर्चनासहित उत्सव मनाइएको थियो। जात्राले स्थानीय संस्कृति र परम्परालाई संरक्षण गर्दै चन्द्रागिरीलाई अझ आकर्षक गन्तव्यका रूपमा चिनाउने गरेको स्थानीय बासिन्दाहरूले बताएका छन्।

चन्द्रागिरी नगरपालिका, जसलाई ‘ऐतिहासिक, सांस्कृतिक र समृद्ध पर्यटकीय नगरी’का रूपमा चिनिन्छ, त्यहाँका यस्ता जात्रा र पर्वहरूले स्थानीय एकता र सांस्कृतिक सम्पदाको जगेर्नामा महत्वपूर्ण योगदान पुर्‍याउँदै आएका छन्।
तस्वीरहरु =