म्यादी। म्याग्दी जिल्लाकै सबैभन्दा ठूलो १८० मेगावाट क्षमताको कालीगण्डकी गर्ज जलविद्युत् आयोजनाको निर्माण कार्य औपचारिक रूपमा सुरु भएको छ। अन्नपूर्ण गाउँपालिका–४ भालेबास क्षेत्रमा सोमबारदेखि ५.६ किलोमिटर लामो मुख्य सुरुङ खन्ने काम प्रारम्भ गरिएको हो।

करिब ४० अर्ब रुपैयाँ लागत अनुमान गरिएको यो आयोजना चार वर्षभित्र सम्पन्न गर्ने लक्ष्य राखिएको छ। आयोजनामा Global IME Bank को नेतृत्वमा विभिन्न बैंकहरूले लगानी गर्ने भएका छन् भने स्थानीय बासिन्दाका लागि १० प्रतिशत शेयर छुट्याइएको छ।