काठमाडौँ, कात्तिक १४ ।
हिजोदेखि निरन्तर परिरहेको अविरल वर्षाले काठमाडौँ उपत्यकासहित देशका विभिन्न भागमा जनजीवन प्रभावित भएको छ।

मौसम पूर्वानुमान महाशाखाका अनुसार हाल भारतको अरब सागर क्षेत्रमा विकसित चक्रवात ‘मन्था’ (Cyclone Montha) को असर नेपालमा पनि देखिन थालेको हो। सोहि कारण देशका अधिकांश भागमा वर्षा भइरहेको छ भने उच्च हिमाली क्षेत्रमा हिमपात समेत भएको छ।

उपत्यकामा भने बिहानदेखि निरन्तर बदली रही समय–समयमा वर्षा भइरहेको छ। आज दिउँसो करिब १० बजेदेखि वर्षा सुरु हुने र बेलुकीसम्म क्रमशः हल्का वर्षा र बदली रहने महाशाखाले जनाएको छ। अहिले उपत्यकाको औसत तापक्रम करिब १७ डिग्री सेल्सियस रहेको छ।

वर्षाका कारण सडकमा पानी जम्ने, साना खोल्साखोलामा पानीको बहाव बढ्ने र यातायात अवरोध हुने घटना बढेका छन्। साथै, कृषि क्षेत्रमा समेत असर परेको छ — धान कटनी गर्ने र कटनी गरिसकेकालाइ समेत यस् वर्षाले किसानहरूलाई थप चिन्ता बढाएको छ।

महाशाखाले चुरे र पहाडी क्षेत्रका नदी किनार र कमजोर भू–भागमा बसोबास गर्नेहरूलाई सतर्क रहन आग्रह गरेको छ। हिमाली क्षेत्रमा हिमपातको सम्भावना रहेकोले पर्वतारोहण र ट्रेकिङ गतिविधि फिलहाल स्थगित गर्न सिफारिस गरिएको छ।