रुपन्देही । रुपन्देहीमा प्रहरीमाथि पेस्तोल ताकेर भाग्न खोज्ने एक भारतीय नागरिकलाई प्रहरीले नियन्त्रणमा लिएको छ।

प्रहरीका अनुसार पक्राउ परेका भारतीय नागरिकको साथबाट अवैध लागूऔषध ब्राउन सुगर र पेस्तोल समेत बरामद गरिएको छ। नियमित चेकजाँचका क्रममा प्रहरीले रोक्न खोज्दा उनले प्रहरीमाथि पेस्तोल ताकेर भाग्ने प्रयास गरेका थिए। त्यसपछि प्रहरीले तत्काल नियन्त्रणमा लिएको जनाएको छ।

घटनापछि प्रहरीले उनको साथबाट बरामद गरिएको हतियार र लागूऔषध नियन्त्रणमा लिई थप अनुसन्धान अघि बढाएको छ।